សាលាខណ្ឌឬស្សីកែវប្រារព្ធពិធី ប្រគល់ប្រាក់សមាគមមរណៈសង្គ្រោះ ដល់គ្រួសារសពអតីតយុទ្ធជន
31-December-2015 | ដោយ មួយឡា
ភ្នំពេញ៖ នារសៀលថ្ងៃទី ៣០ ខែ ធ្នូ ឆ្នាំ ២០១៥ នៅសាលាខណ្ឌឫស្សីកែវបានប្រារព្ធពិធីប្រគល់ប្រាក់មរណៈសង្គ្រោះ ដល់គ្រួសារសព អតីតយុទ្ធជនចំនួន០៣គ្រួសារ ស្ថិតនៅខណ្ឌឫស្សីកែវ រាជធានីភ្នំពេញ ។
អង្គពិធីបានប្រព្រឹត្តទៅដោយមានការអញ្ជើញចូលរួមពី លោក ទៀង ច័ន្ទសារ អធិការនគរបាលខណ្ឌ លោក កាន់ សុខេ បញ្ជាការរងកងរាជអាវុធហត្ថខណ្ឌ និងមានការចូលរួមពីលោកអធិការរងនគរបាលខណ្ឌ លោកនាយក-នាយករងរដ្ឋបាលខណ្ឌ មន្ត្រីខណ្ឌ នាយប៉ុស្តិ៍នគរបាលសង្កាត់ទាំង៦ និងតំណាងគ្រួសារសព សរុប ចំនួន ២៨នាក់ ក្រោមអធិបតីភាព លោក ធុយ សុខន អភិបាលខណ្ឌឫស្សីកែវ ។
លោក ធុយ សុខន អភិបាលខណ្ឌឬស្សីកែវបានមានមតិសំណេះសំណាលទៅកាន់អង្គប្រជុំនិងសម្ដែងក្ដីសោកស្ដាយចំពោះអតីតយុទ្ធជនដែលបានចូលរួមចំណែកក្នុងកិច្ចការពារបូរណភាពជូនជាតិមាតុភូមិ និងលះបង់ជីវិតដើម្បីជាតិ។
លោកក៏បានបញ្ជាក់បន្ថែមទៀតថាដោយពិនិត្យឃើញការតស៊ូអង់អាចរបស់អតីតយុទ្ធជន ដើម្បីជាតិទើបរាជរដ្ឋាភិបាលនិងក្រសួងដែលពាក់ព័ន្ធសំរេចបង្កើតសមាគម មរណៈសង្គ្រោះសំរាប់ចូលរួមរំលែកទុក្ខនិងសំរាប់ឲ្យក្រុមគ្រួសារមានថវិកាគ្រប់គ្រាន់ក្នុងការចាត់ចែងបុណ្យសព ទោះបីថវិកានេះវាស្ដួចស្ដើងតែអាចដោះស្រាយក្នុងការខ្វះខាតបានមួយកំរិត ។
បន្ទាប់មកលោក ធុយ សុខន បានប្រគល់ប្រាក់សមាគមមរណៈសង្គ្រោះដល់គ្រួសារសពអតីតយុទ្ធជនចំនួន០៣គ្រួសារ មកពីសង្កាត់ច្រាំងចំរេះទី២ មួយគ្រួសារ សង្កាត់គីឡូម៉ែត្រលេខ៦ មួយគ្រួសារនិង សង្កាត់ឬស្សីកែវ មួយគ្រួសារ ដោយក្នុងគ្រួសារនីមួយៗទទួលបានថវិកា ៤,០០០,០០០រៀល (បួនលានរៀល)។
តំណាងគ្រួសារសពអតីតយុទ្ធជនបានសម្ដែងនូវក្ដីរីករាយឥតឧបមា និងថ្លែងអំណរគុណយ៉ាងជ្រាលជ្រៅបំផុតចំពោះថ្នាក់ដឹកនាំ និងប្រមុខរាជរដ្ឋាភិបាលដែលតែងគិតគូដល់សុខទុក្ខរបស់ប្រជាពលរដ្ឋ ស្របតាមគោលនយោបាយកាត់បន្ថយភាពក្រីក្រនៅក្នុងសង្គម៕ ដោយ មែន កំសត់
ចំនួនអ្នកទស្សនា
- ថ្ងៃនេះ3691
- ម្សិលមិញ2941
- សប្តាហ៍នេះ6641
- ខែនេះ26691
- ឆ្នាំនេះ1009911
- សរុប20237357